Смената на Драги Рашковски од функцијата член на Акционерското собрание на Македонски Телеком е направена од технички аспект, изјави денеска владиниот портпарол Миле Бошњаковски.
– Имајќи го во предвид обемот на активности Владата смета дека советникот за правда на премиерот соодветно ќе одговори на оваа позиција. Се работи само за замена од технички аспект, рече Бошњаковски, одговарајќи на новинарско прашање во денешниот редовен брифинг во Владата.