Со задоволство истакнуваме дека е најдено решение за претседател на Комисијата која што ќе ги истражи настаните од 24-ти декември, соопшти вечерва СДСМ.
Како што велат од таму, се работи за проф. д-р. Борче Давитковски, актуелен декан на Правниот факултет при Универзитетот св.Кирил и Методиј.
„Особено радува фактот што компромисното решение подразбира избор на претседател кој што е домашен експерт и високо почитуван во професијата и во јавноста. Очекуваме Комисијата ефикасно да работи и брзо да излезе со свои заклучоци за спорните настани. Ова е основа за нормализирање на политичкиот дијалог во Македонија и нов поттик на евроинтегративниот процес за земјава“, се вели во соопштението од СДСМ.