Бојан Јовановски од домашен притвор е однесен во затворот “Идризово” на издржување на деветгодишната затворската казна за случајот “Рекет”. Тој е спроведен од страна на полицијата и е сместен во приемното одделение на затворот. Во идните денови ќе се направи и проценка на ризик, по што, треба да биде префрлен во друг дел на затворот. Решението за упатување за изржување на казната е изготвено попладнево.
Од Кривичниот суд велат дека упатниот акт за Катица Јанева, осудена на седум години, ќе го изготви судија од судот во Гевгелија. Потоа и таа од домашен протвор ќе биде спроведена во затвор.
“Воедно предметот ќе биде доставен и до судија за извршување снакции при Основниот суд во Гевгелија надлежен според место на живеење за понатамошно постапување за ќе обвинетaта Катица Јанева”, велат од судот.
Јовановски е во добра здравствена состојба, потврди и директорот на затворот “Идризово”, Јовица Стојановиќ за “А1он”.