Со изложување детали за здравствената состојба на Бојан Јовановски – Боки 13 почна судењето за случајот „Рекет“, каде што денеска треба да се слушаат снимките обезбедени од сведокот, бизнисменот Орце Камчев.
Со повишен тон и мавтајќи со медицинска документација, Јовановски рече дека има рак на желудник на 33 години и ѝ се обрати на обвинителката Вилма Русковска со зборовите „вршите тортура врз мене, корумпирана обвинителке!“.
Тој беше отстранет од судницата па повторно вратен.
Јовановски пред судот рече дека не се чувсувтва добро, дека бил на гастроскопија каде му бил утврден малигнитет на желудник, а кога судијката рече дека ќе повика брза помош во судницата, тој одби, велејќи дека ќе му дадат дијазепам, а тој не сака да му се суди додека е под седативи.
Апелацискиот суд во понеделникот ја одби жалбата на Јовановски за укинување на мерката притвор.