Богојески за БГНЕС: Без Никола Груевски, ВМРО-ДПМНЕ би постигнало многу подобар резултат

Од:

Никола Груевски ги штити интересите на десетина лица. Македонија нема потреба од неговиот псевдопатриотизам. Последните акции на Груевски потсетуваат на времето на Слободан Милошевиќ. Договорот за добрососедство меѓу Македонија и Бугарија отвора големи перспективи, вели во интервјуто за бугарската агенција БГНЕС, Петар Богојески, еден од лидерите на Иницијативата за реформи и демократизација на ВМРО-ДПМНЕ.

Според Богојески, мора јасно да се разграничи разликата меѓу ВМРО, ВМРО-ДПМНЕ и Никола Груевски.

Ако кариерата на еден политичар е загрозена, тоа не значи, истакнува, дека е загрозена иднината на државата. Не треба да бидеме заложници на неодговорни политики кои ни ги претставуваат личните интереси како национални, додава Богојески.

– Многу важен факт за нас, како ВМРО-ДПМНЕ, е тоа што без Никола Груевски би постигнале многу подобар резултат. За жал, сепак, наспроти нашите предупредувања, инаетот на Груевски беше поважен од нашиот партиски интерес и влеговме во кампања под негово раководство. Поради таа причина неизвесна е нашата победа во многу општини, рече Богојески, прашан за неговите очекувања за изборите на 15 октомври.

Во врска со т.н. нова ера што ја најавува Груевски, Богојески вели:

– „Новата ера“ на Никола Груевски се споредува со онаа на Милошевиќ, но во ниту еден случај не можеме да зборуваме за некаква „нова ера“ на Груевски. Што значи тоа, дека сега ќе имаме некаков „нов Груевски“? Тоа е наполно неразбирливо, не само за нашите избирачи, такво нешто не се сретнува дури и во политичката литература, политичар кој ја завршува својата кариерата, да го прави тоа преку „нова ера“, вели Богојески.

За реформите во партијата, став на Богојески е дека целата меѓународна заедница гледа на нас ВМРО-овците како следбеници на Груевски што е многу погрешно.

– Ние сме следбеници на вредностите на ВМРО-ДПМНЕ, а не на Никола Груевски. Тој е само еден партиски лидер во заминување, нагласува Богојески според кој, ако не се случат реформи во партијата, можне е да дојде до нејзино целосно уништување.

Иницијативата за реформи и демократизација на ВМРО-ДПМНЕ се залага за промена на статутот на партијата, членството да има одлучувачка улога при изборот на партиските органи и носењето решенија. Како што вели Богојески, Иницијативата е внатрепартиска и искрено вмро-вска, не е предизвикана од надворешни или странски партнери.

Петар Богојески е член на ВМРО-ДПМНЕ од 1995 година.

Би можело да ве интересира

(ВИДЕО) Петрушевски: Јавното обвинителство да не се осмелува да го штити Филипче

Криминалот на Филипче секој го гледал, а Јавното обвинителство упорно молчи и го штити, велат од ВМРО-ДПМНЕ

ВМРО-ДПМНЕ: Во време кога нема автобуски превоз, Скопје се дави во ѓубре и се занимава со циркусот Данела, што сработи синот на Блерим Беџети за 12 илјади евра интелектуални услуги?

ВМРО-ДПМНЕ: СДС призна дека економијата расте – само што не можат да поднесат што расте без нив

СДСМ: Советниците на ВМРО-ДПМНЕ и ЗНАМ повлекоа сопствена точка, само за да ја спасат урбаната мафија

(ВИДЕО) Манасиевски: Венко Филипче е главниот лик во аферата „Провизии кои чинат животи“