Членот на ИО на СДСМ и претседател на комисијата за транспорт и врски Благој Бочварски учествуваше на политичкиот форум за лидери што се одржа во Пекинг, Кина во периодот од 27-30 октомври.
Во рамките на овој форум, тој оствари работна средба со вице гувернерот на провинцијата Хебеи, Кин Бујонг, а се сретна и со претставници на административниот комитет на економската и технолошката развојна зона Лангфанг. На средбите се разменија мислења за интензивирање и продлабочување на меѓусебната соработка.
Во обраќањето на форумот, Бочварски ја акцентираше заложбата на СДСМ за осовременување на инфраструктурниот систем, со посебен осврт на железничкиот сообраќај и напомена дека икуствата што се добиени од оваа посета се одличен пример како треба да изгледа една современа инфраструктурна мрежа.