Вчера, на една од своите трибини, ДПМНЕ се дрзнаа да проговорат пред граѓаните на Охрид за некакво културно наследство. Пред да продолжат со нивните нереални ветувања, прво нека одговорат пред охриѓани на следниве прашања, па потоа сето тоа да го вметнуваат во некакви си нереални програми.
За какво културно наследство расправаат кандидатот за градоначалник и неговите пулени, кога во Заводот за заштита на културно наследство нема вработено ниту еден активен археолог, посочи Дејан Блажески од Сојузот за иднина.
-Според нашите информации, а за огромна жал на охриѓани, Заводот за заштита со културното наследство деновиве е претворен и служи само како архитектонско биро за дизајнирање и печатење на политички флаери на ВМРО – ДПМНЕ, кои им служат во теков на изборнава кампања.
До кога дрквата Св. Богородина Перивлепта, црква со највредни фрески за културното наследство, ќе биде забулена и ќе личи на гулабарник?!
Кога ќе биде вратен во нормална состојба ѕидот на црквата Св. Богородица Болничка, кој беше срушен за потребите на тешката механизација?!
Во јавноста се фалат дека од Заливот на косите имаат голема заработувачка. Нека одговорат пред охриѓани колкава е заработувачката од Самоиловите тврдини, кои некој друг пред нив ги реконструираше, а денес, според жителите на стариот дел од градот се повеќе наликува нa дувло отколку на историски паметник?
Почитувани граѓани, ВМРО–ДПМНЕ најмалку може да зборува за културното наследство во Охрид. Тие го уништија цело културно наследство кое некој друг пред нив го негуваше и Со оглед на тоа дека оваа недела имаше огромен број неосновани прозивки од страна на ДПМНЕ, како и голем број деманти од наша страна, бараме телевизиски дуел во кој реално ќе ги соочиме делата, направеното, програмите како и идните перцепции за Охрид.
Сето тоа со една единствена цел, граѓаните да ја знаат вистината, да престанеме да ги оптоваруваме секојдневно како и да ја намалиме нивната конфузност кога треба да изберат што е најдобро за градот. Затоа, ги повикувам на јавно соочување вашиот кандидат за градоначалник со нашиот кандидат, вашиот носител на листа со нашиот носител на листа,вашиот портпарол со мене на Сојузот за Иднината, посочи Блажески.
Предраг Петровиќ