Полицијата извести дека синоќа околу 21.40 часот на патниот правец А3 Битола-граничен премин „Меџитлија“ во близина на крстосница со пат за село Породин кон Меџитлија, возило „рено клио“ управувано од И.С.(42) од село Кравари, битолско, излетало надвор од коловозот.
„Од здобиените повреди на лице место починал возачот И.С. Смртта била констатирана од лекар од итна медицинска помош Битола. Увид на местото на настанот извршила екипа од СВР Битола, а по наредба на Јавен обвинител телото на починатиот е предадено за обдукција“, извести полицијата.