Педесет и четиригодишен битолчанец во својот автомобил нелегално превезувал мигранти, односно државјани од Гана и Сенегал, информира Министерството за внатрешни работи.
На 22-ри овој месец околу 21,35 часот, на стариот пат Неготино- Градско при контрола на автомобил „голф“ управуван од 54-годишниот И.С. од Битола, од истиот излегле тројца мажи кои веднаш се дале во бегство.
Две од лицата се пронајдени, а потоа било утврдено дека станува збор за државјани на Гана и Сенегал кои немале никакви документи за идентификација.
Мигрантите овој месец илегално влегле во земјава преку Грција, а планирале да заминат за Унгарија.
Полицијата против И.С. поднесе кривична пријава за сторено кривично дело „криумчарење на мигранти“.