Бислимоски: Напаѓачот треба да и се извини на институцијата РКЕ, а не мене

Од:

Претседателот на Регулаторната комисија за енергетика и водни услуги (РКЕ) Марко Бислимоски се уште се консултира со своите адвокати дали да поднесе приватна тужба против лицето кое физички го нападна во вторникот вечерта во угостителски објект во Скопје.

– Постапката е во тек, ќе ги советувам моите адвокати и ќе видиме како ќе го решиме тој проблем во наредниот период и како ќе постапам. Напаѓачот не ми се извини мене и воопшто не е битно дали ќе ми се извини или не. Треба да се извини на институцијата, бидејќи јас ја претставувам институцијата. Марко е денес, утре ќе биде Петко, Станко, треба да имаме сите во оваа држава, однос кон институциите, бидејќи институциите ја чинат државата. Интересот на државата е секогаш најбитен и ќе остане вечно, рече Бислимоски во одговор на прашањето дали ќе поднесе приватна тужба до напаѓачот во изјавата дадена во Стопанската комора.

Претседателот на РКЕ во вторникот вечерта физички беше нападнат во угостителски објект во централното подрачје на Скопје од лице што поседува лиценца за продажба на електрична енергија за кое РКЕ почна постапка за одземање на лиценцата поради неисполнување на обврските од договорот за снабдување кај дел од корисниците.

Би можело да ве интересира

Бислимовски: Секретарјатот на Енергетската заедница петта година по ред ја оцени РКЕ за најдобар регулатор

Бислимоски: Ако училиштата се вратат на регуларниот пазар, маржата за ЕВН ќе се зголеми за пет до седум милиони евра

Орце Костов

Речиси сите домаќинства кои се греат на струја ќе се најдат во третиот блок од 630 до 1050 киловат часови

Орце Костов

Цената на топлинската енергија утврдена согласно берзанските цени на природниот гас, сметките ќе останат исти

А1он

Скопјани ќе имаат парно, државата ќе управува со БЕГ за до крајот на грејната сезона да нема проблеми

Владата ќе ја субвенционира цената на топлинската енергија со цел граѓаните на Скопје да не плаќаат повисоки сметки

А1он