„Во септември 2005-та година од кабинетот на Црвенковски по средбата со претставници на австриската Рајфајзен банка брифираа за медиумите дека наводно австријците се заинтересирани да инвестираат во Македонија.
Во 2006 година Владата на СДСМ изјави дека многу банки се заинтересирани за влез во Македонија и дека се разговара за влез на австриската Рајфајзен банка.
Резултат – ниту Рајфајзен влезе во Македонија, ниту ИНГ банката инвестираше, ниту паметиме некоја друга светски позната банка да влезе во Македонија, додека СДСМ беше на власт. Владата на СДСМ ја пропушти шансата и избрка уште една странска инвестиција“, рече на прес конференција портпаролот на ВМРО-ДПМНЕ, Александар Бичиклиски.
Причината за пропадната можност за инвестирање рече тој, е поради тоа што СДСМ водела сметка за Комерцијална банка и за сличните банки и фирми, кои не дозволуваа да им се наруши нивниот монопол.
„СДСМ со бркање на странски инвестиции и упропастување на можноста за нови вработувања ги штитеа своите финансиери и олигарси.
Кога сите држави одеа напред, Македонија со СДСМ назадуваше. Затоа СДСМ не сака да даде отчет каде одеа парите во нивно време и за што се трошеа. Затоа тие бегаат од одговорот на прашањето каде завршија над 5 милијарди евра од имотот, кој беше разграбан во време на приватизацијата на Бранко Црвенковски“, праша Бичиклиски.