ВМРО-ДПМНЕ го повика партиското раководство на СДСМ, кое во рамки на „Работното лето“ е во Крушево, да им објасни на крушевчани како успеале да ги доведат до работ на егзистенција.
„Во време на мандатите на Црвенковски и СДСМ се урниса целокупното крушевско стопанство. Не остави ниту една фирма, а на улица останаа стотици вработени. СДСМ и Бранко Црвенковски како ќе им погледнат во очи на вработените во крушевската стаклара, која прва настрада од неговата трансформација, а потоа следеа и текстилниот комбинат Илинденка со над 300 вработени и Жито Крушево и Крушевската Златара со над 80 вработени“, рече на прес-конференција партискиот портпарол, Александар Бичиклиски.
Црвенковски и СДСМ, рече Бичиклиски, се должни да се извинат пред граѓаните на Крушево затоа што ја уништиле перспективата на градот.
