Без проблем пројде Предлог-одлуката за утврдување на платите на функционерите

Од:

Собраниската комисија за прашања на изборите и именувањата денеска со 11 гласа „за“ и ниту еден против или воздржан ја донесе Предлог-одлуката за определување на коефициентите за утврдување на плата на претседателот на Република Северна Македонија, на пратениците во Собранието на Република Северна Македонија и на функционерите кои ги избира и именува Собранието на Република Северна Македонија.

За расправа по оваа точка не се јави никој од присутните членовите на Комисијата.

Како дополнителна точка на дневен ред на Комисијата е утврдување на Предлог-одлуката за разрешување на директорот на Агенцијата за квалитет во високото образование.

По однос на ова, пратеничката Арбана Пашоли во своето обраќање на седницата посочи дека оваа точка им ја отежнува работата на пратениците бидејќи потребно им е време да ги разгледаат материјалите кои им се доставени. Таа напомена дека материјалите по однос на оваа точка не им биле доставени на време, и додаде дека отсуствуваат основни податоци со цел да се развие дискусијата.

Претседателот на собраниската Комисија за прашања на изборите и именувањата Ѓорѓи Сајкоски рече дека материјалите се доставени навремено, и истите се објавени на веб страницата на Собранието.

Седницата на Комисија за прашања на изборите и именувањата ќе продолжи по пауза од еден час, по барање на пратеничката Пашоли со цел материјалите по однос на втората точка да им бидат доставени и на албански јазик.

Би можело да ве интересира

На 29 јули интерпелација за републичкиот јавен обвинител – Љупчо Коцевски

А1он

Пратениците дебатираат за ребалансот на Буџетот за 2025 година

Утре на пленарна седница ќе биде дополнетиот ребаланс на Буџетот за 2025 година

Собранието ќе одлучува за дополнетиот ребаланс на Буџетот одобрен од Владата

Мицевски: Владата има луѓе, има механизација сега и се справува со сите можни и неможни позиции коишто ги има

Левица: Африм Гаши, уценет од ВМРО-ДПМНЕ, илегално ја поништи закажаната Надзорна расправа за Кочани