Во сабота Скопје повторно доживува Бела Ноќ, каде по осми пат, до зори ќе има десетици изложби, филмски маратони под отворено небо и во кината Милениум и Фросина, концерти, музички фестивали, поезија, ликовни и музички перформанси, видео арт и друго.
Благодарение на Јавното сообраќајно претпријатие, во сабота по 19, превозот во сите автобуси кои гравитираат кон центарот на Скопје, ќе биде бесплатен!
Автобусите кои се на линиите 8а и 11, кон Зоолошката градина, исто така се бесплатни, од 11 часот, а и влезот во Зоолошката градина цел ден е бесплатен.
Главните случувања се на ул. „Македонија“, на Плоштадот „Македонија“, на Градската плажа, во градскиот парк, во ГТЦ, во Старата скопска чаршија, и во градските установи кои за вас, ширум ги отвораат портите, и секако: големиот мултимедијален спектакл на плоштадот Македонија „Таму каде сум”, за прв пат во историјата на Бела Ноќ, во македонска режија и продукција, создаден и реализиран од 150-тина македонски уметници, кореографи, сценаристи, музичари, танчери, пантомимичари…
На интернет страницата www.belanok.mk, може внимателно да ги одберете вашите омилени локации со цел да опфатите што поголем број од мноштвото настани и случувања.