Горат 50 хектари дабова шума на планината Серта. Пожарот е помеѓу селата Драгоево и Селце. Дваесетина пожарникари од Штип и вработени во Македонски шуми го гасат огнот.
Теренот е непристапен, па пожарникарите мора да гасат рачно. И покрај ветрот сепак се оптимисти дека до вечер ќе успеаат да го локализират огнот. Пожарникарите се сомневаат дека причина за пожарот е човечки фактор. Ова е првиот шумски пожар во штипско.