„Поднесете си оставка, вие имате завршено туризам и не ги исполнувате условите да бидете ниту член ,а камоли претседател на Комисијата за спречување на корупцијата. Поднесовте ли иницијатива за испитување на финансиската дупка од 3, 5 милиони евра за кампањата на ВМРО-ДПМНЕ.
Има ли конфликт да се биде пратеник и избран професор или доктор, зошто манипулирате со медиумите, ја праша Ана Павловска Данева, претседателката на Антикорупцика, Љубинка Корабовска.
Изет Зекири рече, дека Македонија е една од најкорумпираните земји.
„Вие сте претседател не за спречување на корупцијата туку за криење на криминалот на власта и линч на политичките неистомисленици на Груевски.
Дали Корабовска, вие бевте самостојниот референт кој ги пополнуваше договорите за 4-те станови на „мама“ Нада Груевска, ја праша Весна Бендевска.
„До кога ќе ги затворате очите пред анекс-корупцијата, зошто не зборувате за парите во шише, за парите за авторите на спомениците“, праша Билјана Казанџиска.
На ниту едно прашање прозваната претседателка на антикорупциска, Љубинка Корабовска, не даде одговор.
Беким Фазлиу од ДУИ, побара пауза бидејќи не можат да се слушаат нивните говори на албански јазик, туку со превод.