Белорусија ќе достави протестна нота до МНР за тврдењето на пратеникот Милошоски

Од:

Ниту во минатото, ниту сега до Амбасадата на Република Белорусија во Белград и до амбасадорот Валериј Брилјев, ниту во Почесниот конзулат на Република Белорусија во Република Северна Македонија во Скопје не се доставени жалби, исто така ниеден стопанственик што бил примен на разговор не се пожалил за никакви проблеми, од каква било природа и какви било размери, порачуваат од Почесниот конзулат во Скопје.

-На ден 25 јули 2019 година се извадени лажни вести од страна на пратеник на Собранието на Република Северна Македонија, Антонио Милошоски кои беа проследени во електронските медиуми. Сакаме да посочиме воедно и да потврдиме дека се што беше искажано се едноставно лажни вести, велат од Почесниот конзулат на Белорусија во Скопје.

Во моментов, додаваат, се приготвува нота од страна на Амбасадата на Република Белорусија во Република Србија до Министерството за надворешни работи на Република Северна Македонија за искажаните лажни вести.

Претникот Милошоски на вчерашната седница на Собранието на Република Северна Македонија посветена на пратенички прашања рече дека во Кабинетот на премиерот Зоран Заев дошол белорускиот амбасадор во врска со случај во кој на бизнисмен од Битола, кој добил тендер да работи со РЕК Битола, му биле побарани 250 илјади евра. Тврдењето беше демантирано и од премиерот Заев.

Би можело да ве интересира

Цвеќе и пораки со сочувство пред Амбасадата на Русија во Македонија

А1он

Добитниците на Нобеловата награда бараат ослободување на политичките затвореници во Белорусија

Ескобар: Македонија треба веднаш да стане членка на ЕУ

Дијаспората незаинтересирана за гласање во Македонија: Досега пристигнати 209 пријави

Во Белорусија, први избори од 2020 година, лидерот на опозицијата е во егзил: Тоа е фарса, шоу, циркус

Горан Наумовски

Лукашенко сака патроли со огнено оружје на белоруските улици