Измените на законите поврзани со изградбата на коридорите 8 и 10 Д се во согласност со Уставот и во насока да ја олеснат работата на терен, истакна пратеничката од СДСМ Белкиса Зеќири во реплика на денешната собраниска седница.
„Измените се прават за поефикасно, поефективно и поевтино да се завршат проектите што се од стратешки интерес. И ова не е само за сегашните коридори, туку и за сите идни национални стратешки проекти во инфраструктурата“, истакна Зеќири.
Пратеничката Зеќири посочи дека клучни елементи од Договорот со Бехтел и Енка, како што е вредноста на договорот, начинот и времетраењето на градбата никогаш не биле тајна, додавајќи дека со изградбата на коридорите нашата држава конечно станува вистинска крстосница во регионот.
