Македонија бара да и се додели амбасадата во Софија, но Белград на тоа нема да се согласи, оти објектот „е српска сопственост, ја добиле уште додека биле Кралство Србија“, вели Оливер Антиќ, новиот шеф на српската група за преговорите за сукцесијата.
„Тоа ви е како во брак – може да се дели само заедничкиот имот, но не и тоа што сопружниците го донеле со себе“, вели Антиќ.
Антиќ објаснува дека слична судбина како поранешната амбасада на СФРЈ во Софија ќе има и хектарот земјиште и објектот во Анкара, која претходно е дадена на Сараево, но тоа е плац кој Кемал Ататурк го подарил на кралот Александар.