Општина Аеродром објави повик за јавно наддавање за користење на базенот „Бисер”, познат како воен базен.
Почетниот годишен надомест за спортскиот објект – базен и помошни објекти изнесува 10.000,00 евра во денарска противредност, а идниот закупец ќе може да го добие на користење објектот на неопределено време. Критериум за избор на најповолен понудувач е највисоката понудена цена за закуп на базенот.
Крајниот рок за доставување на пријавите за учество на јавното наддавање е заклучно со 6-ти октомври 2012 година.
Во спортскиот комплекс освен базен има соблекувални и кујна. Базенот е со површина од 3.850 кубни метри и помошни простории од околу 200 квадратни метри.
