Баронесата Францес Д’Соуза, спикер на Горниот Дом на Парламентот на Обединетото Кралство на Велика Британија и Северна Ирска, денеска ја продолжува официјалната посета на Република Македонија.
Според агендата, предвиден е прием на баронесата Д’Соуза кај претседателот на Република Македонија Ѓорге Иванов и средба со вицепремиерот задолжен за европски прашања Фатмир Бесими.
На средбата вицепремиерот Бесими, како што соопшти неговиот кабинет, ќе се осврне на реформите и напорите што Република Македонија ги презема во поглед на интегрирање во Европската унија.
Д’Соуза вчера беше примена од претседателот на македонскиот Парламент Трајко Вељаноски и се обрати пред пратениците.
