(ВИДЕО) Бајдевски: Нема да има вработувања во новото министерство за политички систем

Од:

Нема да има огласи за вработувања во новото министерство за политички систем и односи помеѓу заедниците кое треба да започне да функционира од први јуни, информираше заменик-министерот за аднистрација Александар Бајдевски.

Практично оваа министерство ќе го замени Секретаријатот за спроведување на Рамковниот договор и како што вели тој, вработените од таму ќе преминат во новото министерство.

„Нови вработувања нема да има. Во новото министерство ќе бидат ангажирани кадри од секретаријатот. Прераспределбата на кадрите ќе се врши согласно потребите на министерството и наскоро се очекува да започне екипирањето“, рече Бајдевски.

Што се однесува до прераспределбата на административците вработени по рамковен договор, а кои со години седат дома, Бајдевски кажа дека процесот се одвива споро затоа што се уште не е затворен извештајот, за вработените кои не се појавуваат на работа. Во секретаријатот, се ангажирани 1700 лица.

„Колку што знам распределени се 200 лица. Имавме одредени проблеми во утврдувањето на тоа колку од вработените не се појавуваат на работа. Оваа е обемен процес и за него ќе биде потребно подолг период,“, рече Бајдевски.

Во однос на проекотот за реорганизација на администрацијата, кој власта го најавуваше уште во изборната кампања пред две години, од надлежното министерство информираат дека изработката на анализата е при крај и првите распределувања може да се очекуваат за седум до осум месеци.

„Направивме ревизија на постоечките и работиме на нови закони за заокружување на правната рамка. Поради недостиг на основни податоци, како и поради потреба од попрецизно мапирање на недостатоците и слабостите во областите кои ги опфаќа стратегијата изработени се нови анализи и истражувања“, рече заменик-министерот.

Габриела Димковиќ-Мишевска

Би можело да ве интересира

Селекцијата за Спортската академија ќе се врши на отворени терени, дезинфекција на реквизитите по секоја употреба

Ана Ололовска

Протокол за работни места: Редовно миење и дезинфицирање и физичко растојание меѓу вработените

Ана Ололовска

Граѓаните не треба да аплицираат за домашната платежна картичка, проверка ќе прават на веб-страницата kupuvamdomasno.gov.mk

Ана Ололовска

Царовска: Инспекторите во зајакнати контроли, работниците и компаниите да ги почитуваат протоколите

Ана Ололовска

Османи: Преговарачката рамка на ЕУ ќе биде објавена на 9 или 10 јуни

Ана Ололовска

Османи бара вработување на „ковид координатор“ во приватните компании и државните институции

Кристијан Ландов