Автомобилот на обвинителот Гаврил Бубевски е едно од опожарените возила кај бараките на „Улици и патишта“

Од:

Едно од возилото кое е опожарено ноќеска е сопственост на обвинителот Гаврил Бубевски, дознава „А1он“. Станува збор за „Шкода“ со скопски регистрации, која била паркирана на тротоарот, до бараките на ЈП „Улици и патишта“. „А1он“ се обиде да исконтактира со Бубевски, но тој не одговори на телефонските повици. Неговиот автомобил се запалил откако пожарот се проширил од другото возило, кое било паркирано зад неговото. Според првичните информации, од возилото на Бубевски е зафатен само задниот дел.

Од МВР велат дека пожарот е пријавен еден час по полноќ. Прво се запалил „Нисан“ со скопски регистрации. Второто возило, кое е на обвинителот Бубевски, било делумно зафатено. Бараките на ЈП „Улици и патишта“ биле целосно опожарени.

„Од екипа на Бригадата за противпожарна заштита Скопје пожарот бил локализиран, а повредени лица нема. Увид ќе се врши во текот на денот“, велат од МВР за „А1он“.

Инаку, пожарот бил предизвикан откако возилото „нисан“ експлодирало. По ова, пожарот веднаш ги зафатил дрвените бараки, по што брзо се проширил. Од Противпожарната бригада за „А1он“ веќе кажаа дека имале проблем при гаснењето, поради кровот кој бил целосно опожарен.

Би можело да ве интересира

76-годишна жена призна дека подметнала 11 пожари

Гори шума во селото Долгаец, пожарите на Кожуф и во „Јасен“ се под контрола

Гори шума на планината Кожуф и кај селото Долгаец

Еден пожар е активен, два се под контрола, а шест се изгаснати

Голем пожар во Куманово, изгореа возила, камиони, автобус, приколка и минибус

Горан Наумовски

Гори ниска вегетација помеѓу селата Стровија и Долгаец во Општина Долнени