Жител на Свети Николе со автомобил излета од патот Штип-Велес, по што се здобил со тешки повреди. Во несреќата повредена е и 33-годишна сопатничка.
Според информациите на МВР, вчера во 20 часот на магистралниот пат Штип – Велес, помеѓу село Криви Дол и село Кадрифаково, се случила сообраќајна незгода во која автомобил „уди А4“ со германски регистарски ознаки, управувано од В.Д. (32) од Свети Николе, излетало од патот.
Тој се здобил со тешки телесни повреди, кој со возило на Итна медицинска помош бил пренесен во Комплекс клиники „Мајка Тереза“ во Скопје, додека со телесни пoвреди се здобила сопатничката С. П.(33) од село Кравари, битолско. Извршен е увид на местото на настанот.