Во село Слупчане денеска беше направена постојка за автобуси, беа поставени корпи за отпадоци, како и клупи за постарите да имаат место каде можат да се собираат и заедно да го поминуваат слободното време.
Активностите ги реализираше Иницијативата Мрдни со прст: Младинско вклучување за локалните проблеми во Куманово – Центарот за интеркултурен дијалог од Куманово, во соработка со жителите на ова село.
Активностите произлегле по разговорите со граѓани кои ги посочиле нивните потреби, и проблемите со кои се соочуваат во секојдневниот живот.