Авион на Дирекцијата за заштита и спасување и два хеликоптери на Армијата на Република Макдeонија од рано изутрина се ангажирани во локализирање и гаснење на пожар кој избувна во близина на месноста Крушино во Кичево. Пожарот е избувнат на непристапниот рен терени со него е зафатена борова шума.
– Во текот на вчерашниот ден екипи на ТЕ од Кичево и Шумското стопанство Лопушник се обидоа да го сопрат избиениот пожар, но поради невозможноста да се справат со огненета стихија побараа помош од Дирекцијата за заштита и спасување. Поради тоа што гори висока борова шума и конфигурацијата на теренот го прави пожарот невозможен да се гаси од копно, неминовно беше да се ангажираат воздухоплови за гаснење, информира Дирекцијата за заштита и спасување.
Преку вработените во подрачното одделение во Кичево, Дирекцијата за заштита и спасување ја следи ситуацијата и во случај на потреба може да мобилизира дополнителни сили за справување со пожарот и негово локализирање и гаснење.