ВМРО-ДПМНЕ внимателно слушаа, ДУИ бојкотираше, а СДСМ и коалицијата со негодување и дофрлување. Ваква беше атмосферата во собраниската сала за време на годишното обраќање на Ѓорге Иванов.
СДСМ ја сменија тактиката и додека Иванов говореше дофрлуваа од место, довикуваа и негодуваа на кажаното од претседателот.
„Цела година ве слушам, сега слушајте ме вие мене. Дозволете ми да го завршам говорот. Слушајте ви се обраќа претседател, ослободете се од фрустрациите“, им се обрати Иванов на пратениците од СДСМ и коалицијата.
Сето ова го следеше и дипломатскиот кор од собраниската галерија.
По завршувањето на обраќањето на Иванов, пратениците од ВМРО-ДПМНЕ станаа и со аплауз го поздравија говорот на претседателот.