Во населбата Стопански двор во општина Ѓорче Петров се работи на асфалтирање четири крака од улицата „51“. Се асфалтираат краците 1, 2, 3 и 4 со вкупна должина од 620 метри и широчина од 4 метри, соопшти денеска општина Ѓорче Петров.
Предходно, на тие улици беше поставена фекална канализација со што е решен долгогодишниот проблем на граѓаните кои мораа да користат септички јами.
Работите ги изведува „Македонија пат“ и целосно треба да завршат до крајот на следниот месец. Средствата се обезбедени преку Министерството за транспорт и врски и општина Ѓорче Петров.
Од општината најавуваат дека ќе се работи и на асфалтирање на краци на главната улица во Волково. Набргу треба да започнат градежни работи во населбата Кисела јабука каде што ќе се асфалтираат краци на улиците „ 10“ и „ 46“.