Според програмата за асфалтирање локални патишта и улици за населените места во општина Виница, афвалтиран е дел од локалниот патен правец Липец – Осојница во должина од 2 километри и 200 метри.
Останатите два километри до влезот на селото се земјен пат и со асфалт ќе бидат покриени наскоро.
– Потребните средства во вредност од 15 милиони денари ги обезбедивме од Европската банка за обнова и развој и Агенцијата за патишта. До крајот на годината општината ќе распише тендер за изведувач на работите при што комплетното асфалтирање на овој патен правец за кој се потребни 12 милиони денари ќе биде завршено на почетокот на 2015 година, истакнува Емил Дончев,градоначалник на општина Виница.
Со целосното асфалтирање на овој патен правец ќе се обезбеди пристап и до регионалниот патен правец Виница – Берово.