Арта Точи од Алијансата на Албанците нова пратеничка на местото на Мемеди

Од:

Арта Точи од Алијансата за Албанците ќе биде нов пратеник во Собранието на Република Северна Македонија на местото на Весел Мемеди од НДП, чија оставка беше констатирана на денешното пленарно заседание. Државната изборна комисија (ДИК) денеска на седница ќе го потврди мандатот на Точи како нова пратеничка.

Точи беше на листата на тогашната коалиција на Алијанса за Албанците во шестата изборна единица, која ја сочинуваа НДП-Движењето за реформи на Зијадин Села и Унитети на Гзим Острени.

Таа е поранешна заменик-министерка за надворешни работи во периодот по формирањето на Владата на премиерот Зоран Заев до крајот на декември 2017 година. Од ова место замина откако нејзината матична партија излезе од владејачката коалиција.

Алијансата на Албанците по верификацијата на мандатот на новата пратеничка, во Собранието на Република Северна Македонија ќе има тројца пратеници – Зијадин Села, Сурија Рашиди и Арта Точи.

Би можело да ве интересира

Пратениците од власта и опозицијата со меѓусебни обвинувања за работата на Акетната комисија за Охрид

Ана Ололовска

Сугарески: Граѓаните не можат да добијат сопственост на домовите, ВМРО-ДПМНЕ го блокира носењето на Законот за легализација

Кристијан Ландов

Седници на три собраниски комисии

Ана Ололовска

Собранието ќе ја продолжи 130-та седница

Ана Ололовска

Над илјада амандмани за предлог законот за легализација на дивоградби

А1он

Седници на неколку собраниски комисии и на Постојаната анкетна комисија за заштита на слободите и правата на граѓанинот

Ана Ололовска