Како земји кандидати и потенцијални кандидати за членството во ЕУ, имаме обврска да ги пренесеме европските вредности во нашите општества и затоа европската перспектива беше главниот катализатор за имплементација на суштински реформи во оваа сфера, истакна вицепремиерката за европски прашања Теута Арифи, која денеска во Загреб учествуваше на Регионалната конференција „Жените во градењето на мирот: пристап до правда за жените во пост-конфликтните земји“.
Таа посочи дека Европската унија се базира на почитувањето на фундаменталните човекови права, а еднаквоста меѓу жените и мажите една од клучните европски вредности.