Општинскиот противпожарен сојуз во Гевгелија со упатување апел ја покрена акцијата за заштита на шумите од пожари во пресрет на летните месеци.
Во апелот до граѓаните се укажува на превентивните мерки кои треба да се применуваат и почитуваат кога се престојува во шумите, но и воопшто на сите други места, бидејќи предизвиканиот пожар брзо се шири кон шумските предели.
Противпожарниот сојуз посебно предупредува да не се пали отворен оган во шума и стрништа, да не се спалува непотребна вегетација во близина на шумите, да се отстранува непотребната вегетација покрај јавните патишта, да не им се дозволува на децата да си играат со запалки и целосно да се изгасне користеното огниште.
Акцијата на општинскиот противпожарен сојуз во Гевгелија за превентивна едукација и опасноста од пожари во пресрет на летните месеци е подржана од општина Гевгелија. Доколку забележат пожар граѓаните може да пријавуваат на телефонскиот број 193 во дежурната служба на територијалната противпожарна единица во Гевгелија.