Денеска во 13 часот пред скопски „Веро Центар“ во населбата Аеродром е организирана акција за собирање помош за граѓаните од поплавените подрачја.
Оваа информација се споделува преку социјалните мрежи Фејсбук и Твитер.
До утрово до 8.30 минути, според официјалните информации на МВР, од невремето во Скопје има 15 загинати, 6 лица се водат за исчезнати, а 22 граѓани се повредени и хоспитализирани на скопските клиники.
Најголем дел од жртвите се од Стајковци, Сингелиќ, Смилковци и Арачиново, каде има и најмногу урнати и поплавени куќи, како и уништени возила.
Како што сооштуваат од МВР ноќеска и денеска од МВР се ангажирани Специјалните единици при МВР (ЕБР, ЕСЗ,ПЕП,Единицата за Јавен ред и мир) како и дополнителни служби и тоа : крим техника од Штип, Велес и Тетово, додека пак од останатите служби, ангажирани се Бригадата за против пожарна заштита, Јавното претпријатие Водовод, Дирекција за спасување и заштита, Итна медицинска помош и пајак служба.