По денешните обвинувања од страна на СДСМ дека Антикорупциската комисија, како и секогаш кога се работи за власта молчи, тие излегоа со соопштение до јавноста:
-Во врска со денешната пресконференција одржана од страна на СДСМ за случајот со вработувањето на сопругата на министерот Веле Самак, сакаме да ја известиме јавноста дека Државната комисија за спречување на корупцијата веќе постапува по истиот, односно на седница одржана на 25.09.2014 (четврток) согласно нејзините законски надлежности самоиницијативно, а врз основа на информациите изнесени во медиумите донесе заклучок да се отвори предмет и да се проверат наводите по истиот, се вели во соопштението на Државната комисија за спречување на корупцијата.