Анѓушев: Владата придонесува за развој на месната индустрија

Од:

Владината мерка за месната индустрија, со која се ослободуваат од царина за одредени суровини, кои ги користат во процесот на производство ги даде своите ефекти, забележа при денешната посета на МИК – Свети Николе, вицепремиерот, Кочо Анѓушев. Бројките кажуваат дека со оваа владина мерка производството во месната индустрија се зголемило за 30 отсто, а извозот на производите за 60 проценти.

dobivaj vesti na viber

– Долги години месната индустрија се справуваше со овој проблем на неконкурентност на нашите производни капацитети и на домашниот пазар и во извозот. Со воведување на мерката за ослободување на царина на дел од суровината, којашто оваа месна индустрија ја користи, мислам дека го направивме вистинскиот потег, како Влада и придонесовме да оваа индустрија има раст и развој. Навистина состојбата беше таква што еден добар дел од таквите индустриски капацитети во месната индустрија беа пред затварање или веќе беа затворени, вели Анѓушев.

Управителот на МИК Свети Николе, Гоце Трајчев забележа дека ефектите од оваа мерка ги почуствувале во изминататат година, а денеска тој како претставник на месната групација и лично на Анѓушев му го даде и новото барање за продолжување на оваа мерка за ослободување од царина на одредени суровини и тоа за наредните шест месеци.

– Месната индустрија не бара протекционизам, не бара субвенции, бараме само изедначување со условите на функционирање заедно со странските конкуренти, кои што настапуваат со слични или вакви производи на нашиот пазар. Се надевам дека со првичните резулати ги убедивме надлежните дека се позитивни и со таа цел и ќе го прифатат барањето, вели Трајчев.

Вицепремиерот, Кочо Анѓушев и министерката за странски инвестиции, Зорица Апостолска ја посетија и фабриката БИМ во Свети Николе, компанија која е извозно ориентирана, а е една од 107 компании кои потпишаа договор за користење на средствата од Фондот за иновации. Анѓушев истакна дека е задоволен што во оваа компанија гледа дека средствата се искористени токму во процесот на производство, а машината е иновирана од инжињер, кој е вработен во БИМ. Оваа машина придонела и за зголемување на обемот на производство.

Директорот на БИМ-Свети Николе, Стојанче Стојанов истакна дека во 2013 година самите направиле големи инвестиции, а овие средства од Фондот за иновации придонеле да си го зголемат и подобрат производството. Смета дека оваа мерка е добра, но истата, како што рече и треба да се надоградува.

Вицепремиерот Анѓушев попладнево ги слушна и барањата и потребите на стопанствениците од Општина Свети Николе

Би можело да ве интересира

Јагнешкото ретко и скапо пред Велигден, традиционално поскапеа и пазарите

Жарко Настоски

Да се спречи зголемување на цените на месото и месните преработки, бара домашната индустрија

Ана Ололовска

Ќе поскапат сувомесните производи ако не се дозволи увоз на 6400 тони замрзнато свинско месо

Месната индустрија бара да се вратат ваучерите „Купувај домашно“

Ана Ололовска

Произведувачите на месо во САД користат нови технологии за прочистување на воздухот во фабриките

А1он

Антикорупциска бара одговорност од Анѓушев за прикривање приватни интереси

Мери Јордановска