Ангеловска-Бежоска: Денарот е и ќе остане стабилен, депозитите сигурни

Од:

Девизниот курс на денарот останува стабилен и нема да има промени во неговото ниво, изјави во интервју за МИА, гувернерката на Народната банка, Анита Ангеловска-Бежоска, по одржувањето на седницата на Комитетот за финансиска стабилност.

Таа додаде дека централната банка располага со низа инструменти со кои ја гарантира стабилноста на денарот, а вчера, на прес-конференцијата за економските мерки, напомена дека девизните резерви што се клучни за курсот на домашната валута се одржуваат на високо ниво, што е двојно повисоко од нивото пред глобалната економска криза во 2008 година.

– Заштедите на граѓаните во банките и штедилниците се сигурни и безбедни. Депозитите и сите други услуги што ги нудат овие финансиски институции, и натаму се достапни како и досега, вели гувернерката.

Претходно, по одржувањето на седницата на Комитетот за финансиска стабилност, Народната банка и Министерството за финансии, заеднички соопштија дека банкарскиот систем е отпорен на потенцијалните шокови што е и гаранција за одржувањето на финансиската стабилност во земјата.

Во текот на денот се огласија и од Македонската банкарска асоцијација со потврда дека услугите на нивните членки – банките и штедилниците, за клиентите се достапни и по прогласувањето вонредна состојба.

Би можело да ве интересира

Просечната каматна стапка на вкупните кредити во јануари зголемена, кај депозитите намалување на месечно ниво

Девизните резрви на крајот на јануари 4,33 милијарди евра

Преку проект на Светската банка ќе се модернизираат и ќе се поврзуваат платните системи на Западен Балкан

НБРМ: Основната каматна стапка се задржува на нивото од 6,30%

Народна банка: ЕЦБ ја продолжи можноста за пристап до репо-линијата за уште една година

ММФ: Доброто водење на монетарната политика придонесе кон намалување на инфлацијата

Горан Наумовски