Сообраќајот на сите магистрални и регионални патни правци низ државата о се одвива без забрани, по влажни коловози поради врнежи од дожд, соопштува АМСМ, но предупредува на можни одрони.
Поради постојана опасност за појава на одрони кои може да го попречат движењето на возачите, АМСМ препорачува поголема внимателност на патните правци Дебар – Струга, Маврово – Дебар, Катланово – Велес и Демир Капија – Удово.
Повнимателно управување со возилата е потребно и на магистралниот пат М -1 делница Катланово – Велес, каде се одвива реконструкција на патот.
Интензитетот на сообраќај е умерен на патните правци надвор од градските средини. На граничните премини нема подолготрајни задржувања за влез и за излез од државата.