Амбасадорот на САД во земјава, Џес Бејли присуствуваше на традиционалното фрлање на крстот во водите на Вардар во Скопје.
Православните верници денеска го слават празникот Богојавление – Водици кој се празнува уште од вториот век.
Поврзан е со крштавањето на Исус Христос во водите на реката Јордан од страна на свети Јован, кој од тогаш се нарекува Крстител.
Празникот се нарекува уште и Водици поради големиот водосвет што го извршува црквата на овој ден.