На вонредните и ополномоштени амбасадори и генералните конзули според Уредбата со законска сила, за месеците април и мај 2020 година ќе им се исплатува плата намалена за 20 проценти од платата исплатена во претходниот месец, гласи одлуката донесена на денешната седница на Владата.
„На седницата беше разгледана усвоена Уредбата со законска сила за дополнување на Уредбата за определување на висината на платата на избраните, именуваните и назначените лица во јавниот сектор за време на вонредна состојба, чии одредби се однесуваат и на вонредните и ополномоштени амбасадори и генералните конзули на Република Северна Македонија, кои остваруваат право на плата согласно Законот за надворешни работи“, се вели во соопштението на Владата.