Договорот од Пржино и натаму е во функција и мора целосно да се спроведе. За жал, притоа, сè уште постојат значителни одложувања во многу области. Оставката на премиерот и изборите се два од неколкуте важни составни делови, соопшти денеска германската амбасада, на прашањето на Радио Слободна Европа, како го коментираат изборот на техничката влада и одлуката на СДСМ да не учествува на изборите.
„Овие избори мора да бидат веродостојни и инклузивни. Тоа може да се случи само доколку сите партии се уверени во тоа дека ќе добијат исти можности и шанси“, стои во реакцијата на германската амбасадата.