Алтернатива: Одбивањето на ЕУ налага предвремени избори

Од:

Политичката партија Алтернатива, по негативната одлука за преговори за членство на држвава со Европската унија побара што побргу да се прогласат предвремени избори, кои, како што вели лидерот Африм Гаши, ќе го потврдат ставот на граѓаните за своите посакувани претставници.

Конечната одлука за нивниот иден став и позција ќе ја донесат на Централно собрание на партијата што ќе биде свикано набргу.

-По одлуката на Европската Унија на Северна Македонија да не му се даде датум за започнување на преговори за членство во ЕУ, со тоа упатувајќи порака дека вратите за европска интеграција на земјата се затвараат, денеска се состана Централното претседателство на Алтернатива и констатира дека за нас згаснува еден повод поради кој ние станавме дел од оваа влада. Да напоменеме дека ние станавме дел од мнозинството и на извршната власт токму поради евроатлантската интеграција, рече вечерва на прес-конференција Гаши.

Според него, како партија дале придонес во процесот за членство во НАТО, но фактот што другата врата на интеграцијата на државата – таа за Европската унија е пред сериозна пречка, е доволен повод земјата да оди на неопходни предвремени избори.

– И покрај одлуката на ЕУ за одбивање, независно од тоа дали ќе бидеме дел од ЕУ или не, остануваме посветени во градење на правна, развиена и типична европска држава. А во духот на платформата „Наше огниште“, за нас не поважно од интеграцијата е токму благосостојбата, правдата и развојот. Според Алтернатива, веќе е крајно време нашите граѓани да сфатат дека доброто не доаѓа од надвор, туку треба да се произведе внатре во нас и за наше добро, рече Гаши.

Би можело да ве интересира

Јоурова: Владеењето на правото е во сржта на процесот на пристапување во ЕУ

Османи: Нон-пејперот покажува дека нема друга алтернатива за членството во ЕУ

Татјана Ташкова

Мекалистер: ЕУ да ја поправи грешката со неотпочнувањето преговори со Скопје и Тирана

Доналд Туск е единствен кандидат за лидер на Европската народна партија

Димитров-Линде: Клучно е Северна Македонија да се задржи на интензивните реформи

Татјана Ташкова

Коцијанчич: За ЕК е неприфатливо насилството како одговор на протестите во Хонгонг