„Алијансата за Албанците потенцира дека злото на ВРЕДИ не е албанската опозиција и Алијансата за Албанците, туку нивните владини партнери – ВМРО-ДПМНЕ, ЗНАМ и Српската демократска партија на Иван Стоилковиќ. Со нивните антиалбански политики, овие партнери секојдневно го користат и експлоатираат ВЛЕН, прикажувајќи го во лошо светло пред Албанците. Дискриминацијата и деградацијата на Албанците на секое ниво се случува јавно, пред и по очите на функционерите на ВЛЕН, и за тоа одговорноста не може да се префрли врз албанската опозиција“ соопшти утринава партијата предводена од Арбен Таравари.
Бараат „ВРЕДИ треба да престане да се однесува како опозиција, амнестирајќи се од гревовите на оваа влада. Злото има име – ВМРО-ДПМНЕ и владините партнери – и вината треба да ја бараат таму, како и кај своите функционери кои ги легитимираат реваншистичките политики против Албанците од нивниот тутор, Христијан Мицкоски“.
„ВРЕДИ е добро што ќе земе пример од Алијансата за Албанците и претседателот Арбен Таравари и што поскоро ќе се повлече од оваа екстремна влада против Албанците. Во спротивно, одговорноста паѓа врз нив и никој нема да ги амнестира. Алијансата за Албанците нема никаква вина што оваа влада секојдневно презема чекори за демонтирање на Охридскиот договор и понижување на Албанците. Колку побрзо ВРЕДИ го сфати ова, толку полесно ќе им биде да излезат пред албанските граѓани и да побараат прошка“ се вели меѓу другото во партиското соопштение.
„Доколку продолжи рушењето на сите достигнувања на Албанците од оваа влада, тогаш ниту прошката повеќе нема да има вредност“, порачуваат од таборот на Таравари.