Автомобил „ленд ровер“ управуван од 24-годишен државјанин на Албанија, утрово во 4:50 часот во Кичево на булеварот „Ослободување“ излетал од патот и удрил во дрво.
Според информациите на полицијата, поради неприспособена брзина возачот изгубил контрола над возилото „ленд ровер“ и излетал од коловозот удирајќи директно во дрво.
Во возилото заедно со возачот Ф.Г. имало уште двајца сопатници.
Од силината на ударот, дрвото паднало и е предизвикана само материјална штета. Полицијата изврши увид на местото на несреќата.
фото: МИА