Двајца албански државјани на 41 и 33 годишна возраст нелегално влегле во Македонија. Биле откриени на место викано Солунски пат од граничните служби на преминот Стар Дојран.
„ На 22.04.2024 во 18.10 часот на подрачјето на Стар Дојран на место викано „Солунски пат“, полициски службеници од Полициската станица за граничен премин и граничен надзор Стар Дојран ги привеле Е.Д.(41) и Д.Д.(33), двајцата од Република Албанија, поради тоа што нелегално ја преминале државната граница од Република Грција кон Република Северна Македонија.“, велат од МВР.
Тие биле предадени на полициски службеници од Одделението за прекуграничен криминал, миграции, странци и реадмисија Гевгелија за понатамошна постапка.