Пожарот во близина на воениот полигон Криволак е се уште активен. Командирот на Територијалната противпожарна единица, Кирчо Патраклиски изјави дека поради непристапниот терен, пожарникарите не можат да пристигнат до местото каде што е пожарот.
-Гори смрека, трње и сува трева, чадот може да се види од селото Драгоево, кое е 20 километри одалечено од полигонот Криволак, вели Патраклиски.
Тој додава дека во моментов екипи на ЈП „Македонски шуми“ и на Дирекцијата за заштита и спасување будно ја следат состојбата со пожарот, со цел тој поради ветрот да не се прошири во атарите на околните штипски села, кои се во близина на полигонот Криволак. Засега пожарникарите не можат да интервенираат, ниту од штипска страна, ниту од страната на Неготино.