Универзитетот за информатички науки и технологии „Св. Апостол Павле“ од Охрид се приклучува на акцијата за обезбедување помош на настраданото население од поплавите во Скопје и Тетово. За таа цел отвора пункт во своите простории каде жителите на Охрид и околината можат да донираат помош.
– Согласно информациите добиени од терен Црвениот крст на Република Македонија апелира да се донираат следниве артикли: конзервирана храна, бебешка храна и пелени, вода за пиење, средства за хигиена, средства за дезинфекција. Донациите може да се достават во просториите на Универзитетот, на улица „Партизанска“ б.б. секој ден од 10 до 16 часот, велат од Универзитетот.