Екипите на јавното претпријатие „Чистота и зеленило“ насадија 500 листопадни и зимзелени садници и украсни грмушки, а околу 64.000 расади на цвеќе се насадени на површина од 2.558 метри квадратни во градот, соопштија денеска надлежните од одделот „Зеленило“.
Листопандите, зимзелените садници и украсните грмушки се насадени на плоштадите, булеварите, кај спортската сала, Спомен Костурница, градските паркови, Ловечкиот дом и повеќе улици во градот.
– До крајот на пролетната сезона планираме да засадиме уште 250 терени со приближно 200 зимзелени садници низ градот, изјави Благица Јовановска, раководител на техничко-тенолошки сектор.
Таа апелира до граѓаните совесно да се однесуваат кон садниците и цвеќињата бидејќи дел од садниците на улицата „11 Октомври“ веќе се уништени од страна на несовесни граѓани.
Јовановска посочи дека сите садници и цвеќиња се сопствено производство на расадниците кои фунцкионираат во рамки на претпријатието.