Претседателот на ДУИ, Али Ахмети, победа на Алија Јаоски на предвремените локални избори во Пласница. Објавата на Ахмети дојде на социјалните мрежи, на скоро еден час по затворање на десетте гласачки места во општината. За ова, нема потврда од Државната изборна комисија.
„Честитки за победата на кандидатот на ДУИ за градоначалник на Пласница, Алија Јаоски, на предвремените локални избори во оваа општина. Оваа победа е потврда за волјата на граѓаните за поддршка на нашите праведни политики за сите граѓани“, напиша Ахмети на „Фејсбук“.
Гласачите во Пласница направија цензус, со што е исполнет прагот кој го налага Изборниот законик, на гласање за излезат најмалку една третина од запишаниот број на избирачи. Според пресекот на Државната изборна комисија во 18:30 часот, од вкупно 9.541 гласач, своето право го оствариле 1.959 жители. Тоа значи дека на гласање излегле 39.54 отсто од вкупниот број гласачи.
Во градочалничката трка учествуваа двајца кандидати, Алија Јаоски од Демократската унија за интеграција (ДУИ) и Рамазан Шерифовски од Движењето за национално единство на Турците.
Во Пласница имаше 10 избирачки места, каде сега се пребројуваат гласовите.