„Скандалот“ на провладините медиуми е лага. Вака за А1он реагира Костадин Ацевски, кој што е до Зоран заев на фотографијата, снимена наводна во неделата во некој ресторан во подрум во периферијата на Скопје Заев остварил средба со претседателот на ДИК, Никола Рилковски и со Виолета Дума члеа на ДИК.
Медиумите блиски до власта тврдеа дека било “шокантно“ бидејќи, според нивни информации, Заев договорал со нив како да се изјаснела ДИК околу аудио снимките и тврдењето на опозициската СДСМ дека имаат несоборливи докази за украдени и лажирани избори.
Ацевски е претседател на ОК на СДСМ Ѓорче Петров.
„Оваа фотографија, за која тврдат дека е снимена во недела, е направена во март месец пред ланските парламентарни избори. Заев не ни знеше дека во кафулето, кое е на излез од Скопје се Рилковски и Дума, и средбата беше случајна. Фрапирачки е податокот до каде можат да одат, па да фалсификуваат фотографија стара една година. Јас работам во ЈП Македонска радиодифузија и од 27-ми минатиот месец сум на предавателот на Пелистер, и таму бев до околу 23 часот во понеделникот. Јасно е дека не сум мижел да бидам во кафулето и истовремено на предавателот на Пелистер. Се работи за класична местенка“, вели Ацевски за А1он.