Околу 150.000 евра народни пари ќе чини проектот на Владата за бесплатен туристички викенд на пензионери за наредната година.
Министерството за труд и социјална политика до бирото за јавни набавки доставило оглас за реализација на проектот.
Процениле дека за оваа услуга се доволни 9.000.000 милиони денари без вклучен ДДВ.
„Хотелско-угостителски услуги за реализација на проектот за бесплатен туристички викенд на пензионери за 2015 година“
Бесплатниот викенд за пензионери беше едно од предизборните ветувања на ВМРО-ДПМНЕ. Освен оваа услуга пензионерите бесплатно се возат и во автобусите на ЈСП секој вторник, петок, сабота и недела. Пензионерите користат и бањско рекративни услуги еднаш годишно. Освен возење со градски автобус, пензионерите ги следува и бесплатна ски-карта за оние кои се зависници од адреналин, но нема информации дали и колку ја искористиле оваа бенефиција.